МНС нагадвае: "Акцыя "Увага ўсім!"
1 сакавіка стартуе рэспубліканская акцыя “Дзень бяспекі. Увага ўсім!»
З мэтай папярэджання пажараў і гібелі людзей ад іх, а таксама навучання насельніцтва дзеянням па сігнале "Увага ўсім!" у Рагачоўскім раёне пройдзе акцыя «Дзень бяспекі. Увага ўсім!», прысвечаная Сусветнаму дню грамадзянскай абароны.
Акцыя будзе праходзіць з 1 па 29 сакавіка ў тры этапы:
З 1 па 7 сакавіка ва ўстановах адукацыі, каледжы, на прадпрыемствах і арганізацыях, у месцах з масавым знаходжаннем людзей пройдзе першы этап акцыі. З вучнямі школ ратавальнікі адпрацуюць планы эвакуацыі, а таксама раскажуць аб дзеяннях па сігнале "Увага ўсім!", у гульнявой форме правядуць інтэрактыўныя заняткі па бяспецы. Для эфектыўнасці прафарыентацыйнай работы вучні прагледзяць тэматычныя відэаролікі і атрымаюць наглядна-выяўленчую прадукцыю.
На базе прадпрыемстваў і арганізацый работнікі МНС правядуць выступленні ў працоўных калектывах з інфармацыяй аб мэтах і задачах грамадзянскай абароны, аб парадку дзеянняў пры атрыманні сігналу "Увага ўсім!", прапануюць прайсці тэст на веданне правільных дзеянняў пры розных надзвычайных сітуацыях прыроднага і тэхнагеннага характару.
У месцах з масавым знаходжаннем людзей ратавальнікі арганізуюць працу інтэрактыўных пляцовак.
Другі этап акцыі пройдзе з 11 па 22 сакавіка ў сельскіх (гарадскіх) населеных пунктах, сельсаветах, у месцах размяшчэння аўтакрам, паштовых аддзяленнях, аддзяленнях дзённага знаходжання на базе тэрытарыяльных цэнтраў сацыяльнага абслугоўвання насельніцтва. Ратавальнікі арганізуюць фотавыставу "Назаві прычыну", прапануюць разгадаць "Сакрэт бяспекі", а таксама вывесці "Формулу бяспекі".
З 25 па 29 сакавіка ў дамах (кватэрах) шматдзетных сем'яў і сем'яў, дзе дзеці знаходзяцца ў сацыяльна небяспечным становішчы, у прышкольных лагерах, на бацькоўскіх сходах пройдзе трэці этап акцыі.
Удзельнічайце ў мерапрыемствах ад ратавальнікаў! Бо захаванне асноўных правіл пажарнай бяспекі - заклад вашага дабрабыту.
