Дзяржаўная ўстанова адукацыі "Зарэчанскі дзіцячы сад Рагачоўскага раёна" функцыянуе з 1994 года. У 2025/2026 навучальным годзе працуюць 2 рознаўзроставыя групы, якія наведваюць 27 выхаванцаў. Таксама на базе ўстановы размешчаны 1-3 класы Станькаўскай БШ.
Працуе дзіцячы сад з панядзелка па пятніцу з 7.00 да 17.30.
Мае двухпавярховы будынак, маюцца спартыўная і музычная зала, дзіцячая трэнажорная зала, абарудаваны тэматычныя пакоі "Ізастудыя", "Экалагічны куток", "Беларуская хатка", "Бяспека жыццядзейнасці". Маюцца асобныя кабінеты настаўніка-дэфектолага і педагога-псіхолага. Абарудаваны медыцынскі блок з ізалятарам.
Калектыў дзіцячага сада - гэта 17 адзінадумцаў, якіх аб'ядноўваюць агульныя мэты і задачы. Менавіта дзякуючы ўсяму калектыву, на тэрыторыі створаны аб'екты, якія забяспечваюць разнастайную сумесную дзейнасць дзяцей і дарослых па аздараўленчаму, фізічнаму, пазнавальнаму, эстэтычнаму, гульнявому напрамках; калектыў добраўпарадкоўвае і азеляняе прагулачныя ўчасткі, даглядае за кветнікамі, стварае камфортныя ўмовы для прагулак дзяцей у любую пару года і любое надвор'е.
Педагагічны калектыў складаецца з 6 чалавек. Усе педагогі - людзі творчыя, тыя, хто любіць і разумеюць дзяцей. Яны ўкараняюць у сваю дзейнасць найноўшыя тэхналогіі па выхаванню і навучанню дзяцей, стараюцца ўнесці ў маленькія дзіцячыя сэрцайкі дабро і радасць, каханне і шчырасць, пяшчоту і клопат, стварыць ўтульную абстаноўку ў групах.
Дзіцячы сад - другі дом дзіцяці. Мы стараемся, каб гэты дом быў напоўнены дабром, святлом і гармоніяй, бо яшчэ вялікі рускі пісьменнік М.Горкі пісаў: "Любіць дзяцей – гэта і курыца ўмее. А вось умець выхоўваць іх – гэта вялікая справа, якая патрабуе таленту».
