ЗЦГіЭ нагадвае: "Інфармацыя па прафілактыцы кішачных інфекцый"
Сярод шматлікіх інфекцыйных хвароб чалавека значнае месца займаюць кішачныя інфекцыі. Гэта група інфекцыйных захворванняў, якія дзейнічаюць на стрававальны тракт (страўнік і кішачнік). Крыніцай ўзбуджальніка інфекцыі з'яўляецца хворы чалавек ці носьбіт ўзбуджальніка інфекцыі.
Інфіцыраванне часцей за ўсё адбываецца харчовым і водным шляхам. Фактарамі перадачы узбуджальнікаў служаць харчовыя прадукты і вада. Радзей рэалізуецца кантактна-бытавой шлях перадачы інфекцыі (праз нямытыя рукі, кантамінаваныя мікраарганізмамі прадметы ўжытку і паверхні).
Для кішачных інфекцый характэрныя: ліхаманка (павышэнне тэмпературы цела), ірвота і дыярэя.
Каб засцерагчыся ад кішачнай інфекцыі трэба выконваць наступныя правілы:
- ужываць ваду гарантаванай якасці;
- вадаправодную ваду пажадана піць пасля кіпячэння;
- малочныя прадукты набываць у крамах у завадской ўпакоўцы;
- малако з уласнай падсобнай гаспадаркі ўжываць толькі пасля тэрмічнай апрацоўкі;
- тварог "хатняга" вырабу падвяргаць тэрмічнай апрацоўцы, рыхтаваць з яго аладкі, сырнікі, варэнікі і да т. п.;
- выконваць умовы захоўвання прадуктаў, не дапушчаючы судотыку сырых і гатовых прадуктаў, не парушаючы тэрміну прыдатнасці, названага вытворцам;
- не ўжываць у ежу нямытыя садавіна, гародніна, ягады і цытрусавыя;
- сачыць за чысцінёй рук: абавязкова мыць іх перад падрыхтоўкай і прыёмам ежы, перад кармленнем дзіцяці, пасля наведвання туалета, прыходу з вуліцы або працы;
- не ўжываць у ежу прадукты, якія хутка псуюцца, такія як вараная каўбаса, салаты, вінегрэты, халадзец, крэмавыя вырабы, якія больш за гадзіну захоўваліся па-за халадзільніка.
Выконваючы гэтыя простыя правілы, можна абараніць сябе і сваіх блізкіх ад кішачных інфекцый.
Але калі Вы ці хто-небудзь з членаў Вашай сям'і захварэў,
неадкладна звяртайцеся да ўрача!
